В конец сей: ПовелЂ бурЂ и протч. Кто сей есть, его же вЂтры, море послушают?

Чолнок мой бури вихр шатает,
Се в бездну, се выспрь вергает!
Ах, нЂсть мнЂ днесь мира
И нЂсть мнЂ навклира.
Се мя море пожирает!

Гора до небес восходит,
Другая до бездн нисходит,
Надежда мнЂ тает,
Душа ищезает.
Ждах — и се нЂсть помогаяй!

О пристанище безбЂдно,
Тихо, сладко, безнавЂтно!
О Маріин сыне!
Ты буди едине
Кораблю моему брегом.

Ты в кораблЂ моем спиши,
Востани! Мой плач услыши!
Ах, запрети морю,
Даждь помощь мнЂ скору!
Ах, востани, моя славо!

Избави мя от напасти,
Смири душе тлЂнны страсти,
Се дух мой терзают,
Жизнь огорчевают
Спаси мя, Петра, молюся!

Сложенна 1785 года, сентемвра дня, в селЂ Великом БурлукЂ.