Рождеству Христову. Из сего зерна: С нами бог, разумЂйте языцы, сирЂчь: Помаза нас бог духом. Посла духа сына своего в сердца наша.

Ангелы, снижайтеся, ко землЂ сближайтеся,
Господь бо, сотворшій вЂки, живет нынЂ с человЂки.
         Станте с хором вси собором,
         Веселитеся, яко с нами бог!
         
Се час исполняется! Се сын посылается!
Се лЂта пришла кончина! Се бог посылает сына.
         День приходит, дЂва родит,
         Веселитеся, яко с нами бог!

ОбЂщан пророками, отчими нароками,
РЂшит в 6 послЂдня лЂта печать новаго завЂта;
         Дух свободы внутрь нас родит,
         Веселитеся, яко с нами бог!

Даніилов каменю! Из купины пламеню!
НесЂченный отпадаеш! Огнь сЂна не попаляеш!
         Се наш камень! Се наш пламень!
         Веселитеся, яко с нами бог!

Расти ж благодатію, новый наш ходатаю!
Расти, да возможеш стати, да попалиш супостаты,
         Да вселенну, зря спасенну,
         Веселимся вси, яко с нами бог!

Мы ж тебЂ рожденному, гостеви блаженному,
Сердца всЂх нас отверзаем, в душевный дом призываем.
         ПЂснь спЂвая, восклицая,
         Веселящеся, яко с нами бог!

Конец. /6/78-2 /